Рэгіянальныя саветы па развіцці прадпрымальніцтва зараз будуць працаваць паводле адзіных правілаў

Вырашаць праблемы бізнесу на месцах стане прасцей. Рэгіянальныя саветы па развіцці прадпрымальніцтва зараз будуць працаваць паводле  адзіных правілаў. У складзе савета пэўнага рэгіёна будуць толькі тыя прадпрымальнікі, якія вядуць сваю дзейнасць на яго тэрыторыі. Узначаліць орган старшыня выканкама або яго намеснік, які курыруе эканоміку. Пры гэтым, пры міністэрствах працягнуць сваю працу грамадска-кансультатыўныя саветы. Яны будуць разглядаць глабальныя галіновыя пытанні.

Навіны павысяць узровень адказнасці мясцовай улады за ўмовы вядзення бізнесу ў пэўным рэгіёне. Усяго ў Беларусі створана 138 саветаў па развіцці прадпрымальніцтва.