Сёння харчаванне становіцца самай моцнай валютай, пра якую гаворыць увесь свет. І яна аказалася куды больш стабільнай, чым самыя прагрэсіўныя блокчэйн-праекты, як бы ні супраціўляліся відавочнаму крыптавалютчыкі і майнеры.
І ў плюсе зараз як раз тыя, хто калісьці ўкладваўся не ў паветраныя перспектывы, а ў зямлю. Трэба адзначыць, што Беларусі пашанцавала яшчэ і з кліматам, які таксама змяняецца. Умовы дазваляюць вырошчваць у дастатку самыя розныя культуры. Беларускімі кавунамі, згадзіцеся, ужо нікога не здзівіш.
Так, дождж і сонца - гэта, вядома, добра, але не трэба забывацца і пра грашовыя ўліванні. У АПК інвеставаны немалыя бюджэтныя сродкі. Калі ж прыйшоў час збіраць ураджай, важна разумець, што накарміць сябе і зарабіць на лішках зможам толькі пры ўмове дасведчанага, тэхналагічна выверанага падыходу да ўсіх этапаў уборкі і захоўвання.
Мабілізацыі ўсіх сіл падчас уборачнай і нарыхтоўкі кармоў патрабуе кіраўнік дзяржавы. Страты будуць расцэненыя сама меней як эканамічная дыверсія. Жорстка? У дадзеных умовах дакладна не. Калі ўлічыць, што пастаўлена на карту. Вольга Маслоўская працягне (відэа).