Дакумент будзе стымуляваць развіццё малога і сярэдняга бізнесу. Так, кожны прадпрымальнік зможа выбраць, па якой схеме плаціць падаткі. Прадугледжаны і шэраг іншых мер.
Эла Сяліцкая, намеснік міністра па падатках і зборах Беларусі: "Новая рэдакцыя Падатковага кодэкса - гэта вынік сумеснай працы зацікаўленых дзяржаўных органаў, прадстаўнікоў дэпутацкага корпуса, вядучых нашых бізнес-саюзаў. Кодэкс змяшчае шматлікія прапановы па ўдасканаленні падатковага адміністравання. Гэта і новы парадак налічэння пеняў, і новы парадак правядзення аперацый па рахунках, адтэрміноўкі, растэрміноўкі, спагнанне запазычанасцяў, абскарджанне рашэнняў".
Абнавіць сістэму адлічэнняў у бюджэт раней даручыў Прэзідэнт. Галоўнае патрабаванне - зрабіць кодэкс зразумелым як для бізнесу, так і для грамадзян. Нямала навацый і для фізасоб. Беларусы з наступнага года змогуць звяртацца ў любую падатковую краіны незалежна ад месца рэгістрацыі. Таксама абяцаюць прадоўжыць і тэрміны падачы дэкларацый.
