У нацыянальнай сістэме адукацыі чакаюцца змены, якія дыктуе час. У прыватнасці, у 4-5 класах могуць увесці факультатыў па духоўна-маральным выхаванні, а пры паступленні ў ВНУ абавязковым можа стаць экзамен па гісторыі Беларусі. З такімі ініцыятывамі сёння выступіў міністр адукацыі Ігар Карпенка. У Мінску прайшлі парламенцкія слуханні. Да размовы далучыліся дэпутаты, педагогі, рэктары, а таксама кіраўнікі прадпрыемстваў.
Таксама міністр адукацыі прапаноўвае ўзмацніць сацыяльна-псіхалагічную службу ў школах. Правілы прыёму ў ліцэі падвядуць пад агульны стандарт, умацуюць матэрыяльна-тэхнічную базу, больш аператыўна вырашаць пытанне з інтэрнатам для іншагародніх. Асобная ўвага і падрыхтоўцы педагагічных кадраў.
