Беларускія ніткі на "Шаўковым шляху". Сёлета па чыгунцы плануецца адправіць ў Кітай не менш за тысячу кантэйнераў з беларускімі прадуктамі. Адзін з самых загружаных вузлоў - станцыя Калядзічы. Менавіта з гэтага пункта нядаўна адправіўся першы цягнік цалкам загружаны сухім малаком нашых прадпрыемстваў. Дагэтуль былі толькі тэставыя партыі. Такім чынам беларуская прадукцыя зможа трапіць у кітайскія магазіны ў абход пасрэднікаў, а кошт стане больш канкурэнтным. Дарэчы, менавіта станцыя Калядзічы ўжо стала вялікім портам, праз які ідуць дзясяткі гандлёвых шляхоў з захаду на ўсход.
Менавіта чыгунка стане самай шырокай магістраллю для тавараў, якія накіроўваюцца з Кітая ў Еўропу і ў зваротным напрамку. Такі шлях удвая хутчэйшы, чым пастаўкі па моры. Падарожжа цягніка з усходу на захад займае не больш за два тыдні.
Не менш за тысячу кантэйнераў з беларускімі прадуктаміпа чыгунцы плануецца адправіць ў Кітай
21 марта 2019