Пра гэта сёння на прэс-канферэнцыі заявіў старшыня праўлення банка Павел Калаўр. Ён адзначыў, што зараз на валютным рынку збалансаванасць, і няма якіх-небудзь фактараў, якія б уздзейнічалі на курс беларускага рубля. Змены будуць залежаць ад працы эканомікі Беларусі і галоўнага нашага гандлёвага партнёра - Расіі, а таксама сусветных цэн на нафту.
Нацбанк прагназуе захаванне ўзроўню золатавалютных рэзерваў Беларусі да канца года на цяперашнім узроўні - каля пяці мільярдаў долараў. У ліпені прайшлі пікавыя выплаты па абслугоўванні знешняй і ўнутранай валютнай запазычанасці сумай 1,3 мільярда долараў.