Пытанні лагістыкі, развіццё перавозак і фінансаванне новых сумесных праектаў абмяркуюць 2 лютага ў Казахстане. Алматы прымае міжурадавы савет ЕАЭС. У пасяджэнні ўдзельнічае і беларуская дэлегацыя на чале з прэм'ер-міністрам Раманам Галоўчанкам. У другой палове дня "пяцёрка" сустракаецца ў вузкім складзе. Шырокі фармат намечаны на заўтра, 3 лютага.
У цэнтры ўвагі макраэканамічная сітуацыя ў краінах ЕАЭС, рэалізацыя праекта "Еўразійскі аграэкспрэс" і фінансаванне сумесных вытворчасцяў. Таксама на палях форуму Раман Галоўчанка сустрэнецца з расійскім калегам Міхаілам Мішусціным.
