Выканаць найважнейшыя эканамічныя абавязацельствы, узятыя сёлета, - такую задачу на тыдні паставіў Прэзідэнт перад урадам і Нацбанкам, прымаючы з дакладам старшыню праўлення банка Паўла Калаўра і памочніка па пытаннях развіцця грашова-крэдытнай сістэмы Валерыя Бельскага. Асаблівая ўвага - мерам па стрымліванні інфляцыі. Па выніках мінулага года гэты паказчык не ўлажылі ў запланаваны калідор. Зараз забяспечыць коштавую стабільнасць - прыярытэт. Бо сусветны рынак ліхаманіць пастаянна. Так, у суседніх краінах вельмі моцна расце ў цане садавінагародніная прадукцыя.
Каб абараніць пакупніка, урад ужо ўстанавіў лімітавыя цэны на паліцах магазінаў для беларускай гародніны, даражэй за іх прадаваць нельга. Таксама напярэдадні падпісана яшчэ адна пастанова: беларускія капуста, цыбуля і яблыкі зараз на экспарт - толькі па ліцэнзіі. У МАРГ адзначаюць - зараз важна абараніць унутраны рынак ад бескантрольнага вывазу неабходнай прадукцыі. Ці будзе пашырацца спіс тавараў? Як новыя правілы ўзгодняцца з гандлем у ЕАЭС і ці не агаліла прадуктовае эмбарга паліцы магазінаў? Аб гэтым Святлана Лук’янюк спыталася ў міністра антыманапольнага рэгулявання і гандлю Беларусі Аляксея Багданава.
