Штучны інтэлект, мікраэлектроніка, біятэхналогіі, беспілотнікі. 400 узораў інавацый на адной пляцоўцы.
У Беларусі дастаткова навукова-тэхнічных распрацовак не толькі для абароны і бяспекі, але і для мірнага жыцця. Пра гэта Аляксандр Лукашэнка заявіў на выставе "Беларусь інтэлектуальная". У вялізным павільёне свае дасягненні і распрацоўкі дэманструюць не толькі навукоўцы Акадэміі навук, але і спецыялісты розных прадпрыемстваў краіны і тэхнапаркаў. Шматлікія ноу-хау ўкаранёныя, запушчаныя ў вытворчасць і паспяхова прадаюцца. У студзені выходзіць новая лінейка айчынных ноўтбукаў. Зараз узровень лакалізацыі ў іх складае каля 30 %. Даручэнне Прэзідэнта гэту лічбу павялічыць да 70 да канца года. Кіраўнік дзяржавы падкрэсліў важнасць развіцця і сферы штучнага інтэлекту ў краіне, а таксама адзначыў асаблівую ролю мікраэлектронікі.
Арганізаваць такую маштабную прэзентацыю - даручэнне кіраўніка дзяржавы. Надта мала беларусы ведаюць пра магчымасці і патэнцыял інтэлектуальнай эліты краіны. Выстава будзе працаваць тры дні. Уваход вольны.