Аляксей Кандраценка ацаніў магчымасці для актыўнага адпачынку.
Слуцкі лясгас, як велізарнае казачнае каралеўства, раскінуўся на плошчы 60 тысяч гектараў. За яго багаццем ляснічым усачыць няпроста. Дапамагае электроннае вока. Веб-камера ўстаноўлена на вышцы. Высока сяджу - добра гляджу: дальнамер - да 20 кіламетраў.
Аляксандр Сечка, інжынер аховы лесу Слуцкага лясгаса: Вугал агляду гэтай камеры - 360 градусаў. Калі дзесьці дымок, то можна павялічыць і ўбачыць яго месцазнаходжанне.
Лясным саджанцам, якія тут вырошчваюць, праз пару гадоў дадуць пуцёўку ў жыццё. Сотні тысяч лясных прыгажунь пераселяцца ў лясы і гарады.
Раман Ажыгар, галоўны ляснічы Слуцкага лясгаса: Вырошчваюцца асноўныя лесастваральныя пароды, іх больш за 12. Астатняе - дэкаратыўны пасадачны матэрыял для азелянення ў гарадах, частка яго ідзе экспарт.
Ласі, дзікі, казулі і курапаткі. Слуцкія землі заўсёды славіліся паляваннем. Зараз у лясной гаспадарцы разводзяць і ланяў. Ужо хутка іх пераселяць у новы вальер. Увогуле сезон вясна-лета абяцае быць насычаным.
Яўген Крыскевіч, галоўны ляснічы Мінскага дзяржаўнага вытворчага лесагаспадарчага аб'яднання: Не застаёмся і мы ўбаку. Ствараем экалагічныя сцежкі, экалагічныя веламаршруты, ёсць нават і водныя маршруты.
Дзе ў сталічным рэгіёне можна правесці сапраўднае каралеўскае паляванне і ў якім лясгасе самы смачны бярозавы сок? Усе падрабязнасці ў праграме Навіны. Цэнтральны рэгіён. У нядзелю ў 12 гадзін.