Павышэнне эфектыўнасці вытворчасці павінна стаць галоўнай задачай прадпрыемстваў шкляной прамысловасці Беларусі. Гэта адзначыў намеснік прэм'ер-міністра Анатоль Сівак падчас наведвання ААТ "Гомельшкло". Завод у гэтым сегменце адзін з самых буйных на постсавецкай прасторы. Сёння ён лідар па аб'ёмах вытворчасці. Што да ўсёй галіны, то стымулам для яе развіцця можа стаць стварэнне Беларускай шкляной кампаніі. Прамысловы холдынг дазволіць розным прадпрыемствам гэтай сферы праводзіць агульныя закупкі, скаардынуе намаганні пры збыце прадукцыі.
Каардынацыя намаганняў шклозаводаў павысіць канкурэнтныя якасці нашай краіны як сур'ёзнага гульца на сусветным рынку.
