Ці гатовыя расійскія дызайнеры перайсці на беларускую тканіну - аб перспектывах супрацоўніцтва ў лёгкай прамысловасці

Сёння, у перыяд санкцыйнага націску, расійская лёгкая прамысловасць сутыкнулася з сур'ёзнымі праблемамі, якія закранулі і пастаўкі сыравіны, і рынкі збыту. 

Але на дапамогу прыйшлі беларускія вытворцы, бо лёгкая прамысловасць - адзін з найважнейшых складальнікаў прамысловага комплексу Беларусі і займае каля 30 % у агульным аб'ёме вытворчасці. Ці зможа лён стаць геапалітычнай зброяй у эканамічнай вайне? Ці гатовыя расійскія дызайнеры перайсці на беларускую тканіну? І чаму так важна стварыць суверэнную сыравінную базу Саюзнай дзяржавы? 

Перспектывы беларуска-расійскага супрацоўніцтва ў лёгкай прамысловасці вывучыла Дар'я Белавусава-Пятроўская. Брэнду "Вікторыя Андраянава" ўжо 30 гадоў. Яе калекцыі - гэта заўсёды ўпрыгажэнне расійскіх подыумаў. Яна адзіны дызайнер, якая двойчы была ўладальніцай "Залатога манекена" Маскоўскага тыдня высокай моды. Аддае перавагу натуральнай тканіне: шэрсці, паўшэрсці, кашміру, арганзе, лёну. Да санкцый раз у год закуплівала матэрыялы ў Францыі. Зараз у маршруце Турцыя, маскоўскія выставы-кірмашы і, без сумнення, Беларусь, з якой у мадэльера даўнія сувязі. 

У лёгкай прамысловасці Расіі працуюць 2 млн чалавек

У лёгкай прамысловасці Расіі задзейнічаны 2 мільёны чалавек. 80 % з іх жанчыны. І сёння, калі краіна знаходзіцца пад моцным санкцыйным націскам, расійская легкая прамысловасць сутыкнулася з вялікімі праблемамі. Гэта востры недахоп сыравіны, парушэнне лагістычных ланцужкоў і страта рынкаў збыту. 

Каб знайсці выйсце з сітуацыі, Саюз жанчын Расіі правёў перамовы з беларускім канцэрнам "Беллёгпрам". Гэта вялізны вытворчы комплекс, які аб'ядноўвае каля ста вытворцаў. Сёння, калі з расійскага рынку сышлі заходнія і еўрапейскія брэнды, беларускія калегі гатовы даць усё неабходнае. Гэта розная тканіна і валокны, скура, фурнітура і многае іншае. 

Прадукцыю Аршанскага льнокамбіната расійскі пакупнік цэніць за якасць, дызайн і даступныя цэны. Пасцельная бялізна, пакрывалы, абрусы, адзенне. Лён - унікальны экалагічна чысты матэрыял. Невялікія магазіны рознічнага гандлю - гэта выдатна. Але сёння Расіі і Беларусі пара выходзіць на больш маштабны ўзровень супрацоўніцтва. Расійскі эканаміст Юрый Крупноў тэмай лёну займаецца ўжо не адзін год. Спецыяліст лічыць: калі нашай Саюзнай дзяржаве аб'яўлена прамая эканамічная вайна, адзін з найважнейшых напрамкаў - гэта стварэнне суверэннай сыравіннай базы для тэкстыльнай прамысловасці, дзе лён можа стаць геапалітычнай зброяй. 

У Беларусі і Расіі ўнікальны клімат для вырошчвання лёну. Трэба павялічваць плошчы і выходзіць на вытворчасць мінімум 300 тысяч тон валакна за год. Тады, згодна з падлікамі Юрыя Крупнова, нашы краіны праз 10-15 гадоў змогуць стаць манапалістамі ў гэтай сферы.