Указ па выхадзе са страт падпісаны год таму. Але пакуль не ўсіх удалося вывесці з мінуса ў плюс. Поўнасцю з праблемамі справіліся толькі 10% гаспадарак. Палепшылі свой стан больш як 40%. Новыя інструменты антыкрызіснага кіравання адробяць на прадпрыемстве "Мастаўчанка". Пра гэта сёння заявіў прэм'ер Андрэй Кабякоў. Галоўнае зараз - знайсці інвестараў і не дапусціць пагаршэння фінансавага стану арганізацый АПК.
Андрэй Кабякоў, Прэм'ер-міністр Беларусі: "Старшыні райвыканкамаў, на якіх указам ускладзена персанальная адказнасць за забеспячэнне эфектыўнай працы стратных сельгазарганізацый, павінны разумець рызыку таго, што працэдура дасудовага аздараўлення можа скончыцца не аздараўленнем, а банкруцтвам. У гэтай сувязі павінны быць прынятыя ўсе меры і прадуманы перспектывы гібкага супрацоўніцтва з крэдыторамі і інвестарамі".
У абласцях правялі работу па падрыхтоўцы антыкрызісных кіраўнікоў. У выніку на кожным прадпрыемстве павінны выбудаваць фінансавую палітыку па назапашванні сродкаў для пагашэння даўгоў.
