Адразу два інвестпраекты прэзентавала адно з найбуйнейшых прадпрыемстваў Еўропы - акцыянернае таварыства "Белшына". Уклаўшы ў мадэрнізацыю больш за 70 млн еўра, тут змаглі павысіць узровень якасці прадукцыі, пашырыць лінейку тавару. А галоўнае - амаль у два разы павялічыць на міжнародным рынку прысутнасць беларускіх шын. Амаль поўнасцю мадэрнізаваўшы вытворчасць, тут будуюць яшчэ больш амбіцыйныя планы - тут будуць вырабляць шыны для кар'ерных самазвалаў, у тым ліку для тэхнікі замежнай вытворчасці.
Перспектывы абноўленага прадпрыемства ацаніў Андрэй Ястрабаў.
Маштабная мадэрнізацыя закранула ў першую чаргу завод масавых шын. Або, як іх яшчэ называюць аўтамабілісты, народных. Ад 14 да 18 цаляў. Гэта тое, на чым ездзяць сёння радавыя беларусы. Агульныя інвестыцыі ў праект склалі звыш 35 млн еўра. Усталявалі новыя лініі, менавіта зараз на заводзе з упэўненасцю гавораць аб абароне свайго рынку і калі спатрэбіцца - поўным імпартазамяшчэнні. Зусім хутка тут стануць вырабляць шыны для недарожнікаў. Магутнасці дазваляюць выпускаць да паўтара мільёна адзінак за год.
Амаль 45 млн еўра склалі і капітальныя ўкладанні ў мадэрнізацыю завода буйнагабарытных шын, незаменных для сельскагаспадарчай Беларусі. Канструкцыя такога вырабу дазваляе знізіць нагрузку на глебу. Распрацоўка сваіх жа канструктараў. Раскрой таксама стаў больш якасным.
Яшчэ адзін плюс абнаўлення вытворчасці Белшыны - гэта фактычна поўнае выключэнне ў працы чалавечага фактару. Кругласутачны працэс вулканізацыі, напрыклад, праходзіць пад назіраннем усяго двух майстроў.
Белшыне прыйшлося прайсці працэс мадэрнізацыі за вельмі кароткія тэрміны. На што замежным канкурэнтам спатрэбілася больш чым паўстагоддзя, на Белшыне прайшлі за некалькі гадоў - не толькі абнавілі вытворчасць, але і стварылі абсалютна новую шыну.
Попыт на новыя беларускія шыны не прымусіў сябе чакаць. Завод за год прырос амаль у два разы ў аб'ёмах і не столькі вытворчасці, колькі ў пастаўках за мяжу. Падпісаны шэраг пагадненняў з новым партнёрам - Турцыяй. Ужо наступны год, па словах спецыялістаў, прынясе прадпрыемству дадатковыя 3-4 мільёны еўра.
Аляксей Якаўлеў, генеральны дырэктар ААТ "Белшына": "Каля паўтара дзясятка краін, куды мы не пастаўлялі сваю прадукцыю раней, мы на сённяшні дзень прысутнічаем там. Гэты пералік даволі шырокі. Гэта і Саудаўская Аравія, і Македонія, мы пашырылі даволі істотна і ў Пакістане сваю прысутнасць".
Новым этапам развіцця прадпрыемства стане стварэнне вытворчасці шын для кар'ерных самазвалаў беларускай вытворчасці і замежных вялікагрузаў, грузападымальнасць якіх перавышае 360 тон. Як гавораць спецыялісты, гэта стане вышэйшым пілатажам у вытворчасці шын у Еўропе.
