Беларусь і Бангладэш гатовыя нарошчваць узаемавыгадны тавараабарот

Толькі летась аб'ёмы гандлю паміж краінамі перасягнулі адзнаку 150 мільёнаў долараў. Пра перспектывы двухбаковага партнёрства сёння гаварылі ў Савеце Рэспублікі. У гэтыя дні ў Мінску знаходзіцца дэлегацыя гэтай краіны. Прыярытэтныя кірункі - машынабудаванне і калійныя ўгнаенні, якія пакуль складаюць аснову беларускага экспарту. А вось флагманам беларускага машынабудаўнічага экспарту ў Бангладэш выступае "Амкадор". Раней паміж краінамі ўжо было падпісана пагадненне на пастаўку гэтай дарожнай тэхнікі  на суму 50 мільёнаў долараў. 

Нагадаем,  у Бангладэш ужо створаны паўнавартасны сэрвісны цэнтр айчыннай кампаніі "Амкадор-Палаш". Акрамя таго,  упершыню Беларусь паставіла ў гэтую краіну і малагабарытную трактарную тэхніку. У цэлым гандлёвае сальда ў двухбаковым супрацоўніцтве толькі для Беларусі за мінулы год склала 22 мільёны долараў.