Беларусь дасягнула прагрэсу ў эканамічнай сферы

Законапраект аб дзяржаўна-прыватным партнёрстве плануецца ўнесці ў парламент у пачатку наступнага года. Паводле слоў прадстаўніка Еўрапейскай эканамічнай камісіі ААН на парламенцкіх слуханнях, Беларусь дасягнула прагрэсу ў эканамічнай сферы за апошнія 4 гады. Для развіцця інфраструктуры ў краіне неабходна каля двух з паловай мільярдаў долараў, або каля 3,5% ВУП. Адным з папулярных рашэнняў гэтага пытання можа стаць дзяржаўна-прыватнае партнёрства.

Для бізнесу новы закон адкрые новыя нішы дзейнасці і выгаднае інвесціраванне капіталу. Дзяржава са свайго боку атрымлівае неабходныя сродкі для мадэрнізацыі эканомікі і засваення новых тэхналогій.