Паказаць вынік не горшы, чым у 2014-ым. Такая задача стаіць перад прамысловым комплексам Віцебскай вобласці. Прэм'ер Беларусі сёння наведаў тры прадпрыемствы паўночнага рэгіёна. Андрэй Кабякоў падтрымаў рашэнне завода "Оршабудматэрыялы" па мадэрнізацыі вытворчай лініі, але патрэбаваў распрацаваць выразны бізнес-план. На віцебскім прадпрыемстве "Энергакамплект" прэм'еру паказалі асартымент прадукцыі, якая выпускаецца, падкрэсліўшы, што гэта тэхналогіі 21 стагоддзя. А на рынку спажыўцы аддаюць перавагу танным няякасным аналагам.
Прэм'ер-міністр таксама ацаніў перспектывы развіцця завода "Віцязь". Каб заставацца на плыву, "Віцязь" асвоіў выпуск медыцынскага абсталявання і тавараў народнага спажывання. Прынцыпова новы кірунак - выраб гандлёвага абсталявання для гіпермаркетаў. Гэта сумесны праект з галандскім інвестарам. Вытворчасць размесціцца ў цэху, які пуставаў 12 гадоў. Выпуск прадукцыі пачнуць ужо ў верасні.
