Беларусь бесперапынна вядзе пошук новых магчымасцяў для эканамічнага росту, новых партнёраў і працягвае пашыраць супрацоўніцтва з вядучымі дзяржавамі далёкай дугі на ўсіх кантынентах.
Гэта на пасяджэнні першай канферэнцыі ганаровых консулаў Беларусі падкрэсліў прэм'ер-міністр Андрэй Кабякоў. З кіраўніком урада сустрэліся амаль 60 прадстаўнікоў з 45 дзяржаў. Гэтыя дыпламаты выкарыстоўваюць паспяховы вопыт не толькі краінавага супрацоўніцтва, але і больш шчыльна, прадметна праводзяць працу з рэгіёнамі. У сукупнасці ахоплены ўсе без выключэння кантыненты і рэгіёны планеты.
Андрэй Еўдачэнка, першы намеснік міністра замежных спраў Беларусі:
"Дэталёвы, скрупулёзны адбор практычна выключае наяўнасць у вашых шэрагах выпадковых людзей. Ні нам, ні нашым сябрам не трэба выкананне нейкай ганаровай місіі. Як гаворыцца, гэта таксама магчыма, але без патэнта. Усе консулы працуюць дзейсна. Пры выяўленні нізкай эфектыўнасці працы пазбаўленне консульскіх патэнтаў праходзіць аператыўна. Аднак варта адзначыць, што за ўсю гісторыю існавання нашага ганаровага корпуса консулаў Рэспублікі Беларусь гэта былі адзінкавыя выпадкі".
Як адзначыў Андрэй Еўдачэнка, усе ганаровыя консулы Беларусі валодаюць бясспрэчным аўтарытэтам у сваіх краінах і аказваюць сур'ёзную дапамогу беларускім дыппрадстаўніцтвам за мяжой, міністэрствам, ведамствам і прамысловым прадпрыемствам.
