Суд Барысава абвясціў прысуд пецярым арганізатарам наркатрафіку з Іспаніі ў Беларусь.
Вердыкт - ад 11 да 18 гадоў пазбаўлення волі.
Адбываць пакаранне яны будуць у калоніях строгага і ўзмоцненага рэжымаў. Маёмасць канфіскуюць. Вясной мінулага года супрацоўнікі наркакантролю затрымалі ўдзельнікаў найбуйнейшага сіндыката. У ім былі задзейнічаныя грамадзяне Расіі, Літвы, Украіны і Малдовы. На працягу 3 гадоў наркагруз рэгулярна пастаўлялі буйнымі партыямі. Агульная вага - больш за тону. Гашыш перавозілі на элітных пазадарожніках у прафесійна абсталяваных тайніках.
Таццяна Галамака, дзяржаўны абвінаваўца: "Суд з прапанаванай кваліфікацыяй пагадзіўся, і прызначана пакаранне, якое было прапанавана бокам дзяржаўнага абвінавачання. Ад 11 да 18 гадоў пазбаўлення волі".
Апроч пецярых асуджаных, у найбліжэйшы час свой прысуд пачуе яшчэ адзін фігурант крымінальнай справы. Мужчыну напярэдадні экстрадавалі з Польшчы. Яшчэ двое падазроных ужо знаходзяцца пад вартай у суседняй краіне.
