Пяць чалавек атрымалі розныя траўмы ў выніку неасцярожнага абыходжання з піратэхнікай

2 Студзеня 2019

Святкаванне Новага года абышлося без сур'ёзных здарэнняў і злачынстваў. Аднак пяць чалавек, у тым ліку двое дзяцей, атрымалі розныя траўмы ў выніку неасцярожнага абыходжання з піратэхнікай за выхадныя толькі ў Віцебскай вобласці. Пра гэта распавялі ў міліцыі. У адным выпадку дрэнна замацаваны феерверк пры запуску паваліўся, і адзін са снарадаў патрапіў у пяцігадовага малыша, у яго ўтварыліся апёкі. А дзевяцігадовы хлопчык праз петарду, якая выбухнула ў руцэ, патрапіў у бальніцу з траўматычнай ампутацыяй фалангі пальца. Па аналагічнай прычыне пацярпелі і трое мужчын. Падобныя траўмы атрымалі двое жыхароў Рэчыцы і Мазыра. Усяго ў бальніцы Гомельскага раёна праз неасцярожнае выкарыстанне піратэхнікі звярнуліся чатыры чалавекі.