Сёння раніцай у Мінску два чалавекі праваліліся пад лёд на рацэ Свіслач ля Палаца спорту.
Мужчыны вырашылі скараціць дарогу, аднак за сто метраў ад берага лёд не вытрымаў. Самастойна выбрацца яны не змаглі. Мужчыны знаходзіліся ў нецвярозым стане. На дапамогу прыйшлі спецыялісты МНС і АСВОД. Пацярпелых перадалі медыкам.
Нягледзячы на мароз, выходзіць на лёд небяспечна. Пад снегам можна не заўважыць расколіны.
