Два аўтамабілі сутыкнуліся на вуліцы Прытыцкага ў Мінску, адзін з іх перакуліўся

Паводле папярэдняй інфармацыі, вадзіцель Opel пры павароце налева на зялёны не саступіў дарогу сустрэчнаму Ford. Ад удару апошні перакуліўся. У ДТЗ ніхто не пацярпеў, аўтамабілі атрымалі механічныя пашкоджанні. Дзяржаўтаінспекцыя нагадвае, пры павароце налева ці развароце на зялёны сігнал святлафора вадзіцель абавязаны саступіць дарогу сустрэчным аўтамабілям, якія рухаюцца прама або направа, і спадарожнаму трамваю.