Палёт нібы ў галівудскім баевіку. Сур'ёзнае ДТЗ адбылося напярэдадні вечарам. Іншамарка на хуткасці ехала па праспекце Незалежнасці з боку вуліцы Янкі Купалы. На коле вадзіцель не спыніўся, наехаў на бардзюр, пасля чаго апынуўся на прыступках манумента, урэзаўся ў агароджу і вылецеў на зваротны бок кольца. У выніку аварыі машына загарэлася. Агонь да прыезду пажарнікаў тушылі відавочцы. За рулём іншамаркі апынуўся 33-гадовы жыхар Барысава. Яго шпіталізавалі.
Зараз па факце ДТЗ праводзіцца праверка. Высвятляюцца ўсе акалічнасці, у тым ліку, у якім стане знаходзіўся вадзіцель. Сам ён не змог растлумачыць, што адбылося. Вядома, што мужчына больш як 40 разоў прыцягваўся да адміністрацыйнай адказнасці па лініі ДАІ. Вадзіцеля пазбаўлялі права кіравання транспартным сродкам за кіраванне ў п'яным выглядзе.
