Згодна з дакументам, новы Асноўны закон краіны з'явіцца ўжо на працягу двух тыдняў, а праз шэсць месяцаў адбудуцца прэзідэнцкія выбары. Тым часам, хваляванні ў краіне не сціхаюць. У Каіры ў выніку сутыкненняў паміж прыхільнікамі і праціўнікамі экс-прэзідэнта Мухамеда Мурсі забітыя больш чым 50 чалавек, сярод іх вайскоўцы і супрацоўнікі МУС. Яшчэ амаль 450 егіпцян атрымалі раненні. Затрыманыя больш за 200 удзельнікаў беспарадкаў. Сутыкненні дакаціліся і да курортных гарадоў.
У сувязі з абвастрэннем сітуацыі ў Егіпце Міністэрства замежных спраў нашай краіны рэкамендуе беларускім грамадзянам, якія знаходзяцца ў Егіпце, пазбягаць месцаў вялікай колькасці людзей, дэманстрацый, акцый пратэсту. І па магчымасці не пакідаць курортныя зоны і ўстрымлівацца ад паездак па Сінайскім паўвостраве, а таксама ў гарады Каір, Александрыя, Суэц, Порт-Саід і Луксор.
