Вялікабрытанія павінна заставацца ў складзе Еўрасаюза, што дазволіць зрабіць ЕС яшчэ больш моцным, заявіла канцлер Германіі Ангела Меркель, выступаючы сёння ў парламенце Злучанага Каралеўства. Яна таксама высока ацаніла ўзровень партнёрства Брытаніі і ФРГ і адзначыла, што менавіта дзякуючы гэтаму партнёрству забяспечана адзінства ЕС і як вынік мір і стабільнасць унутры Еўрасаюза. Нагадаем, у Вялікабрытаніі працяглы час не сціхаюць спрэчкі наконт членства краіны ў ЕС. На думку прыхільнікаў выхаду краіны з саюза, Злучанае Каралеўства не павінна несці нагрузку па падтрыманні менш развітых эканомік краін - членаў ЕС, а таксама забяспечваць сацыяльнай падтрымкай мігрантаў з бедных рэгіёнаў.
