Вашынгтон і Сеул вырашылі адкласці запланаваныя на жнівень сумесныя ваенныя вучэнні на Карэйскім паўвостраве. Аб гэтым заявіла прэс-сакратар Белага дома Сара Сандэрс.
Сара Сандэрс, прэс-сакратар Белага дома: "Перамовы наконт гэтага на дадзеным этапе працягваюцца. Пакуль Паўночная Карэя працягвае дзейнічаць добрасумленна, як мы бачылі гэта ў Сінгапуры, мы чакаем, што сумесныя вучэнні будуць знаходзіцца на паўзе".
Аналагічныя заявы прагучалі і з паўднёвакарэйскага боку. Рашэнне аб прыпыненні ваенных вучэнняў рушыла ўслед пасля нядаўняй гістарычнай сустрэчы прэзідэнта ЗША Дональда Трампа і Кім Чэн Ына.
Абмеркаваць прайшоўшы ў Сінгапуры саміт і далейшае вядзенне перамоў паўночнакарэйскі лідар мае намер з Старшынёй КНР Сі Цзіньпінам. Кім Чэн Ын ужо прыбыў з візітам у Кітай.