У краіне аб'яўлена жалоба. Згодна з указам прэзідэнта Пятра Парашэнкі, загінуўшых ушанавалі хвілінай маўчання. Па ўсёй краіне прыспушчаны дзяржаўныя флагі, адменены забаўныя мерапрыемствы і спартыўныя спаборніцтвы. Выбух на шахце імя Засядзькі прагрымеў напярэдадні раніцай. Прычына - выкід метану. Пад зямлёй было звыш 200 гарнякоў. Большасці з іх удалося падняцца на паверхню. 33 шахцёры загінулі.
Тым часам на ўсходзе Украіны працягваецца адвод цяжкіх узбраенняў паводле мінскіх дамоўленасцяў. Чарговы этап працэсу сёння пачалі сілавікі. Рэактыўныя сістэмы "Град" перадыслацыруюць на падрыхтаваныя рубяжы. Раней назіральнікі АБСЕ зафіксавалі адвод самаходных артылерыйскіх установак і супрацьтанкавых гармат.
