Надзвычайнае здарэнне ў Тайландзе. Пасажырскі цягнік пратараніў мікрааўтобус. Загінулі 9 чалавек, сярод іх дзіця, яшчэ 9 атрымалі траўмы. Пакуль не зразумела, чаму аўтамабіль выехаў на пуці, калі шлагбаум ужо закрываўся. Машыніст цягніка, убачыўшы аўто, паспрабаваў затармазіць, але не паспеў з-за вялікай хуткасці. Ад удару мікрааўтобус адкінула ў бок. Паводле звестак СМІ, у ім былі мясцовыя жыхары.
