У Страсбургу прагрымеў моцны выбух

6 Чэрвеня 2018

Тэрміновыя паведамленні прама зараз прыходзяць са Страсбурга. Там прагрымеў моцны выбух, пацярпелі не менш як 11 чалавек. Стан траіх ацэньваецца як крытычны. Інцыдэнт адбыўся ў сіласнай вежы ў партовай зоне горада. На тэрыторыі склада пачаўся пажар. Плошча ўзгарання - больш за 2 з паловай тысячы квадратных метраў. Ад прамысловага будынка паднімаецца густы дым. У ліквідацыі пажару ўдзельнічаюць каля 70 агняборцаў. Аб прычынах здарэння не паведамляецца. Пад'езд да месца здарэння перакрыты.