У Сіднэі пасярод дарогі раптам загарэўся бензавоз

Перапалох на ажыўленай трасе непадалёк ад Сіднэя. Пасярод дарогі раптам загарэўся бензавоз, ён перавозіў 36 тысяч літраў паліва. На тушэнне прыбылі каля сотні пажарнікаў. Ім спатрэбілася некалькі гадзін. Агонь быў настолькі магутным, што было прынята рашэнне аб эвакуацыі людзей з найбліжэйшых дамоў. Участак дарогі заблакіраваны дагэтуль.