У Сан-Францыска выкралі больш за 300 iPhone Х яшчэ да пачатку продажаў. З аўтамабіля, у якім прывезлі новенькія смартфоны, злачынцы захапілі з сабою гаджэтаў на суму 300 000 долараў.
А ў Нью-Ёрку адбыўся кур'ёзны выпадак. Амерыканскія комікі ўсталявалі ў цэнтры горада несапраўдны магазін Apple Store ля станцыі метро. На ўваходзе павесілі лагатып кампаніі, а некалькі акцёраў паказвалі пакупнікоў і падстаўных супрацоўнікаў. У магазіне нібы стартавалі продажы iPhone X, колькасць якіх была абмежавана. Як і чакалася, праз некаторы час чарга пачала расці за кошт рэальных пакупнікоў.
