У галандскім Ратэрдаме праходзіць чэмпіянат свету па прыгатаванні кітайскай кухні. Больш за чатыры сотні лепшых шэф-кухараў з розных краін свету спаборнічаюць, у каго ж стравы апынуцца смачнейшымі. Журы ацэньвае тэхніку гатавання, смак, афармленне і творчы падыход да працэсу гатавання. За дзве з паловай гадзіны адзін шэф і яго каманда павінны прыгатаваць шэсць пачастункаў - ад закусак і асноўных страў да дэсертаў. Вынікі кулінарнага чэмпіянату свету стануць вядомыя да канца тыдня.
