У Польшчы дзясяткі тысяч чалавек выйшлі на акцыі пратэсту супраць новага закона аб СМІ

Дэманстрацыі праходзяць у Варшаве, Вроцлаве, Познані, Кракаве. Паводле дакумента, кіраўнікоў грамадскіх тэлеканалаў і радыёстанцый будзе прызначаць урад. У першы ж дзень дзеяння спрэчнага дакумента на пасаду кіраўніка тэлеканала TVP быў прызначаны прадстаўнік кіруючай партыі. Палякі палічылі гэта абмежаваннем незалежнасці медыя. З крытыкай закону ўжо выступілі шматлікія ўстановы ЕС, сярод якіх Еўрапейскі вяшчальны саюз і Асацыяцыя еўрапейскіх журналістаў. Еўракамісія разгледзіць гэта пытанне на сваім найбліжэйшым пасяджэнні.