Дыпламаты і кіраўнікі ваенных ведамстваў розных краін разам з некаторымі з іх лідараў абмяркоўваюць ключавыя пытанні ў ваеннай і гуманітарнай сферах. Сёння ў рамках форуму была закранутая тэма адносін Еўрасаюза з Расіяй. Канцлер Германіі Ангела Меркель заявіла, што іх неабходна паляпшаць, нягледзячы на разыходжанні па шматлікіх пытаннях.
Ангела Меркель, канцлер Германіі:
"Расія - гэта таксама адна з нашых знешніх межаў і наш сусед. Я не перастану выступаць за тое, каб устанавіць добрыя адносіны з Расіяй, нягледзячы на разыходжанні ў меркаваннях. Нам неабходна распрацоўваць сумесную стратэгію на шляху барацьбы з "Ісламскай дзяржавай". Гэта агульная мэта, над якой трэба працаваць разам".
Акрамя таго, Меркель закранула сітуацыю ў Данбасе. Канцлер падкрэсліла, што мінскія пагадненні па-ранейшаму застаюцца асновай супрацоўніцтва на шляху ўрэгулявання ўзброенага канфлікту на ўсходзе Украіны
