У Кіеве не спыняюцца дэманстрацыі з нагоды трэцяй гадавіны Майдана. Для забеспячэння правапарадку ў горадзе падняты тысячы байцоў Нацыянальнай гвардыі. На вуліцах дзяжураць сотні паліцэйскіх і карэты хуткай дапамогі. Напярэдадні пратэсты ў цэнтры Кіева скончыліся беспарадкамі і сутычкамі паміж удзельнікамі мітынгу і сілавікамі. 5 чалавек затрыманы. Паранены супрацоўнік паліцыі. Ёсць пацярпелыя. Сярод дэманстрантаў былі і прадстаўнікі так званых добраахвотніцкіх батальёнаў, якія арганізавалі ў канцы студзеня блакаду паставак вугалю з Данбаса. Частка мітынгоўцаў мела намер устанавіць палаткі для начлегу.
