У Гвінеі зафіксаваная ўспышка ліхаманкі Эбола

Дзіцячы фонд ААН паведамляе, што за месяц хвароба забрала жыцці амаль 60 чалавек. Бальніцы перапоўненыя. Медыкі спрабуюць спыніць смяротны вірус, але эпідэмія дабралася да сталіцы - Конакры. Улады прызнаюцца, што сітуацыя выходзіць з-пад кантролю. Шэраг еўрапейскіх краін плануе адправіць у Гвінею абсталяванне і гуманітарныя грузы. Ліхаманка Эбола з'яўляецца рэдкім, але вельмі небяспечным вірусным захворваннем. Яна лёгка перадаецца ад чалавека да чалавека і прыводзіць да смяротнага зыходу ў 90 працэнтах выпадкаў.