У брытанскім парламенце працягваюцца дэбаты па пытанні ўдзелу каралеўскіх ВПС у аперацыі ў Сірыі

Прэм'ер-міністр краіны Дэвід Кэмеран падкрэсліў, што авіяўдары па пазіцыях "Ісламскай дзяржавы" неабходныя і важныя як для жыхароў арабскай рэспублікі, так і для ўсяго свету. Сам Кэмеран не сумняваецца ў перамозе сваёй ініцыятывы на галасаванні - яно, арыенціровачна, адбудзецца пасля паўночы па мінскім часе. Ля будынка парламента сабраліся дзясяткі людзей, якія выступаюць супраць удзелу Злучанага Каралеўства ў аперацыі супраць "Ісламскай дзяржавы". На думку мітынгоўцаў, гэта прывядзе да росту тэрарыстычнай пагрозы.