Уваходы ў Парк Сьютадэлья, у якім знаходзіцца будынак каталонскага парламента, зачыненыя для наведвальнікаў. Побач выстаўлены ўзмоцненыя патрулі паліцыі. Парламент аўтаноміі праводзіць дэбаты, вынікамі якіх можа стаць аднабаковае абвяшчэнне незалежнасці.
Тым часам сенат Іспаніі плануе адобрыць 155-ы артыкул Канстытуцыі. Прэм'ер-міністр Марыяна Рахой ужо запрасіў у сената паўнамоцтвы для зняцця з пасады прэзідэнта, віцэ-прэзідэнта і саветнікаў жэнералітата.