У Аўстрыі створана спецыяльная паліцэйская група, якая будзе займацца расследаваннем справы аб сексуальных дамаганнях у цэнтры Інсбрука. Паліцыя вышуквае групу мужчын-іншаземцаў ва ўзросце ад 19 да 25 гадоў, якія сексуальна праследвалі жанчын у навагоднюю ноч. У праваахоўныя органы звярнуліся 19 жанчын.
Марцін Кірхлер, начальнік паліцыі г. Інсбрука (Аўстрыя): "Зараз паліцыя працягвае вобыскі ва ўсіх прытулках для бежанцаў. Ёсць імавернасць, што злачынцы з гэтых раёнаў. Правяраюцца прытулкі па ўсім Тыролі".
Камеры відэаназірання змаглі зафіксаваць некаторыя атакі. Аднак з-за нізкай якасці запісу ўсталяваць асобы тых, хто нападаў, пакуль не ўдалося. Мяркуецца, што яны былі выхадцамі з Паўднёвай Азіі альбо Паўночнай Афрыкі.