Пасля ганебных уцёкаў Штатаў у Афганістане да інаўгурацыі рыхтуецца новы ўрад. На чале краіны стане лідар руху "Талібан" Хайбатула Ахундзада. За месцы ў новым дзяржапараце ўжо ідуць унутраныя спаборніцтвы. Захапіць большасць ва ўрадзе плануе галіна "Талібана" "Хакані" - прадстаўнікі менавіта гэтай часткі арганізацыі кантралююць Кабул. Супрацьстаяць ім прыхільнікі мулы Махамада Якуба - сын заснавальніка "Талібана". Яго пазіцыі знаходзяцца ў Кандагары - апоры руху. Мэты і ў тых, і ў іншых пакуль кардынальна не адрозніваюцца. Яны імкнуцца аднавіць парадак у дзяржаве. Акцэнт на працу ў прававым, медыцынскім і банкаўскім сектарах і сферы бяспекі.
Хто адкажа за хаос у Афганістане?
МЗС Кітая заклікае не забываць пра наступствы заходняй прысутнасці ў краіне. Знешнепалітычнае ведамства заклікала расследаваць выпадкі масавага забойства мірных жыхароў вайскоўцамі ЗША і іх саюзнікамі, зафіксаваныя за 20 гадоў кампаніі ў Афганістане. Згодна з заявай Пекіна, да красавіка 2020 года прынамсі 47 тысяч мірных афганскіх жыхароў загінулі падчас знаходжання ў краіне амерыканскіх войскаў. Аднак і гэта колькасць можа аказацца не канчатковай.
Новыя песні аб старым
Самі Штаты пасля разгромнага фіяска ўзмоцнена спрабуюць праціснуць свой парадак. Зараз Штаты засяродзяцца на барацьбе з Кітаем і Расіяй. Аб гэтым паведамляюць у Пентагоне. І гэта не прайшло і сутак з таго моманту, як прэзідэнт Байдэн абвясціў аб "канцы эры спроб ЗША перабудаваць іншыя краіны". З заяў амерыканскага Міністэрства абароны спадзявацца на гэта не прыходзіцца. Бо, мяркуючы па рыторыцы, Вашынгтон сапраўды лічыць, што дапамог Афганістану. Таму адыход ЗША ад любімай стратэгіі - умяшання ва ўнутраныя справы суверэнных дзяржаў - у найбліжэйшы час не прадбачыцца.
