Не такім ужо магутным апынуўся на справе ўраган "Патрысія". Ён дасягнуў захаду Мексікі, дзе рэзка саслаб. Паводле слоў метэаролагаў, яму ўжо прысвоілі ўмераную катэгорыю. Нягледзячы на гэта, спецыялісты асцерагаюцца, што ўраган яшчэ можа прывесці да разбурэнняў. Прэзідэнт Мексікі заявіў у тэлезвароце, што шкода ад урагану апынулася меншай, чым чакалі. Аднак стыхія ўсё яшчэ небяспечная. У трох штатах, якія знаходзяцца на шляху "Патрысіі", было аб'яўлена надзвычайнае становішча. Ідзе эвакуацыя насельніцтва.
