У прэсе з'явілася інфармацыя аб выпрабаваннях сумеснай распрацоўкі Украіны і Польшчы кіраваных снарадаў для артылерыйскіх установак. Вынікамі ўдзельнікі засталіся задаволеныя: польскія вайскоўцы просяць начальства закупіць 5 тысяч такіх снарадаў на суму чвэрць мільярда долараў. Якое было прынята рашэнне на гэты конт, не вядома.
Польшча закупіць у ЗША спісаныя бронеаўтамабілі
Ваенныя закупы - гэта пытанне палітычнае: галоўнае купіць зброю не столькі добрую, колькі ў правільнага пастаўшчыка. Напрыклад, сёння стала вядома, што Польшча аплаціць Злучаным Штатам пастаўку 300 бронеаўтамабіляў "Кугуар". Амерыканцы іх ужо спісалі: тэхніка выпрацавала свой рэсурс у Іраку і Афганістане. Тым не менш, "кугуарам" знайшлося прымяненне ў Польшчы - іх з наступнага года плануюць выкарыстоўваць для патрулявання мяжы з Беларуссю.
