Удзельнікі міжсірыйскіх перамоў станоўча ацэньваюць першы дзень форуму

Увага сусветнай супольнасці ў гэтыя дні прыкавана да Астаны. Удзельнікі міжсірыйскіх перамоў у цэлым станоўча ацэньваюць першы дзень форуму. Кіраўнік расійскай дэлегацыі адзначыў высокі напал. Аднак бакі паказалі разумны падыход і пастараліся пазбегнуць зрыву дыялогу. Сёння перамовы працягваюцца - трэба ўзгадніць выніковы дакумент для падтрымання мірнага працэсу ў арабскай рэспубліцы. Прадстаўлены сем бакоў - кіраўніцтва і апазіцыя Сірыі - яны за адным сталом апынуліся ўпершыню з пачатку канфлікту, а таксама дэлегаты Расіі, Турцыі, Ірана, ЗША і ААН.