Аналітыкі задаюцца пытаннем, ці звязаны дыпламатычны дэмарш Адміністрацыі Барака Абамы ў дачыненні да Масквы з паспяховай аперацыяй у Сірыі супраць "Ісламскай дзяржавы"? Як вядома, баявыя дзеянні па вызваленні сірыйскіх тэрыторый вядуцца пры падтрымцы расійскіх войскаў.
Напярэдадні Новага года ўрадавыя войскі і ўзброеныя групоўкі згадзіліся захоўваць рэжым спынення агню. Дадзеная дамоўленасць не распаўсюджваецца на тэрарыстычныя групоўкі "Джэбхат ан-Нусра" і "Ісламская дзяржава". Сёння расійская авіяцыя нанесла тры авіяўдары ў раёне горада Эль-Баба. Былі атакаваны ўмацаванні “Ісламскай дзяржавы”, знішчана 12 баевікоў. А турэцкія войскі ліквідавалі 26 баевікоў радыкальнай групоўкі, пацвердзіў кіраўнік турэцкага МЗС.
