Раней у Генштаб даставілі абломкі "Тамагаўка" і Storm Shadow, якімі кааліцыя на чале са Злучанымі Штатамі Амерыкі атакавала аб'екты ў Сірыі. Фатаграфіямі абломкаў сёння падзяліліся ў Мінабароны Расіі.
Сяргей Рудской, начальнік галоўнага аператыўнага ўпраўлення Генштаба Узброеных сіл Расіі: "Сабраныя фрагменты ракет, вывучэнне варонак ад разрываў і характар разбурэння аб'ектаў дазваляе зрабіць выснову, што з 105 заяўленых пападанняў у раёне цэляў зафіксавана не больш за 22. Частка ракет не дасягнула аб'ектаў паражэння, імаверна, з-за тэхнічных непаладак, стварыўшы пагрозу разбурэння цывільных аб'ектаў і гібелі мірных жыхароў".
У Генштабе таксама адзначылі, што большасць ракет трапіла ў нязначныя будынкі, у асноўным ангары і іншыя гаспадарчыя пабудовы. Нагадаем, ЗША, Вялікабрытанія і Францыя ноччу 14 красавіка нанеслі ракетныя ўдары па сірыйскіх урадавых аб'ектах, якія, на іх думку, выкарыстоўваліся для вытворчасці хімзброі.
