Савет па правах чалавека ААН абмяркоўвае праблему расізму

Пасля трохмесячнага перапынку аднавіў дзейнасць Савет па правах чалавека ААН. Адно з першых пытанняў дня - расізм сярод праваахоўных органаў. 

Элізабэт Ціхі-Фіслбергер, старшыня Савета па правах чалавека ААН: "Трагічныя падзеі 25 мая ў Мінеапалісе, вынікам якіх стала гібель Джорджа Флойда, прывялі да пратэстаў па ўсім свеце супраць несправядлівасці і жорсткасці паліцыі, з якімі штодня сутыкаюцца асобы афрыканскага паходжання ў шматлікіх рэгіёнах свету. Смерць Джорджа Флойда, на жаль, не адзінкавы выпадак". 

Сустрэча праходзіць у зале Асамблеі, а не ў пакоі Савета. Зроблена гэта для захавання неабходнай дыстанцыі паміж членамі пасяджэння. Рашэнне аднавіць вочную дзейнасць органа ААН звязана з адкрыццём Швейцарыяй сваіх меж.