Слуханні па апеляцыях 32-х расіян на нядопуск да Алімпіяды прызначаны на заўтра

Пакуль зборныя розных краін з'язджаюцца ў Пхёнчхан, 32 расійскія спартсмены, якія не атрымалі запрашэнне на Гульні, працягваюць змагацца за свае правы і падалі іск на МАК з-за дыскрымінацыі па прынцыпе грамадзянства. Сярод іх шорт-трэкіст Віктар Ан, біятланіст Антон Шыпулін і іншыя. Яны патрабуюць суд першай інстанцыі трыбунала Лазаны абавязаць арганізацыю дапусціць іх да зімовых Гульняў. У заявах спартсмены ўказваюць таксама на невыкананне вердыкту Спартыўнага арбітражнага суда. Слуханні прызначаны на заўтра.