Сірыйскі нацыянальны дыялог у Сочы прайшоў паспяхова

Яго галоўным вынікам стала дамоўленасць аб стварэнні канстытуцыйнага камітэта. Новая структура пачне працу неўзабаве. У яе павінны ўвайсці прадстаўнікі ўрада, апазіцыі, якая ўдзельнічае ў міжсірыйскіх перамовах у Жэневе, эксперты і прадстаўнікі грамадзянскай супольнасці, а таксама індывідуальныя прадстаўнікі і палітычныя лідары. Акрамя таго, удзельнікі кангрэса прынялі заяву з 12 пунктаў, у якой выкладаюцца агульныя погляды на будучыню Сірыі. Сярод найважнейшых палажэнняў - права краіны на суверэнітэт і тэрытарыяльную цэласнасць, дэмакратычны прынцып фарміравання складу ўрада, барацьба з экстрэмізмам.