Сэрвісы Apple аказаліся недаступныя па ўсім свеце

Праблемы з iTunes, Apple Music і App Store назіраюцца ў Азіі, Еўропе, Паўночнай і Паўднёвай Амерыцы. Падчас спробы скарыстацца прадуктамі "яблычнай" фірмы ўзнікае памылка. Аднак у часткі карыстальнікаў яны працягваюць працу, але з перабоямі. Як паведамляецца на афіцыйным сайце Apple, збой можа быць звязаны з рэзкім скокам трафіку пасля аб'яўлення намінантаў штогадовай прэміі MTV Video Music Awards.