Армія абароны Ізраіля гатовая падаць усю інфармацыю для расследавання прычын крушэння расійскага Іл-20 ля берагоў Сірыі. Пры гэтым падкрэсліваецца, што адказнымі за інцыдэнт з'яўляюцца афіцыйны Дамаск, Іран і рух "Хезбала". Кіраўнік Мінабароны Расіі Сяргей Шайгу адзначыў, што віна цалкам ляжыць на ізраільскім баку, чые лётчыкі затуляліся Ілам. Самалёт збілі сірыйскія СПА. На борце знаходзіліся 15 вайскоўцаў. Усе загінулі.
Сяргей Шайгу, міністр абароны Расіі: "Сёння мы апавясцілі ізраільскіх калег, у прыватнасці, я апавясціў міністра абароны Ізраіля аб тым, што мы не пакінем без адказу падобныя дзеянні, падобныя крокі. Усім спецыялістам зразумела, што пад прыкрыццем нашага самалёта Іл-20, мяркуючы, што ў гэтым кірунку сірыйскія сістэмы СПА дзейнічаць не будуць, быў нанесены ўдар".
Адрэагаваў на гібель Іл-20 і расійскі лідар Уладзімір Пуцін. Ён назваў крушэнне самалёта ланцугом трагічных акалічнасцяў. І падкрэсліў, што заява Мінабароны ў адрас Ізраіля была ўзгодненая з ім. Уладзімір Пуцін таксама дадаў, што пасля катастрофы Расія ўзмацніць меры бяспекі сваіх вайскоўцаў у Сірыі.
